"Наполи" яримҳимоячиси Фабиан Руис билан шартномани узайтириш борасида раҳбарият тўлиқ музокаралар ўтказа олмади. Энди испанияликнинг ёзда жамоани тарк этиш эҳтимоли янада ошиб кетган.
Гап шундаки, яримҳимоячининг неаполликлар билан амалдаги шартномаси 2023 йилнинг ёзида якунига етади ва Европанинг етакчи жамоалари унга фаол тарзда қизиқиш билдирмоқда.
Шу тариқа, Италия клуби футболчини 2022/23 йилги мавсум якунида текинга қўйиб юбормаслик учун олти ой ичида сотиши керак бўлади.