Таниқли журналист, спорт шарҳловчиси Даврон Файзиев ўз "Telegram" каналида "Вест Хэм" ҳимоячиси Курт Зума билан боғлиқ муаммоларга ўз фикрини билдирди.
"АПЛнинг фанциялик машхур футболчиси Курт Зуманинг фаолиятини мушук барбод қилиши мумкин. Биринчи навбатда ўзи айбдор. Мушугини тепиб, буни видеога олиб, балога қолди. 250 минг фунт жарима. Ҳомийларнинг воз кечиши. "Вест Хэм"га Зумани четлатиш бўйича босим бўлмоқда. 200 минг одам петицияга қўл қўйибди, қамаб юборишмоқчи. Видеога олган укаси ҳам 5-дивизон клубидан четлатилибди. Биздаги мушуклар учун бу параллель дунё. Зума эса бир умр жониворларга озор етказмайдиган бўлди. Ҳали уни боқиш ҳуқуқидан ҳам маҳрум қилишмаса. Дарвоқе, Курт узр сўраб чиққан. Жамоатчиликданми, мушукларданми, бунисига аниқлик киритилмаган", - деб ёзди Файзиев.
