"Милан" ҳимоячиси Алессио Романьоли фаолиятини "Ювентус"да давом эттириши мумкин, деб хабар беради Calciomercato.
Манбага кўра, "Ювентус" ва "Латцио" июл ойида "Милан"ни текинга тарк этиши мумкин бўлган 27 ёшли италияликни ўз сафига қўшиб олмоқчи. Қайд этилишича, футболчининг агенти Мино Райола Турин клуби билан вариантни энг мақбул деб ҳисобламоқда.
Романьоли 2021/22 йилги мавсумда "Милан" сафида 21 та ўйинда майдонга тушиб, 1 та гол ва 1 та голли узатмага муаллифлик қилган. Футболчининг шартномаси 2022 йилнинг июнь ойи охиригача амал қилади.