"Milan" himoyachisi Alessio Romanyoli faoliyatini "Yuventus"da davom ettirishi mumkin, deb xabar beradi Calciomercato.
Manbaga ko‘ra, "Yuventus" va "Latsio" iyul oyida "Milan"ni tekinga tark etishi mumkin bo‘lgan 27 yoshli italiyalikni o‘z safiga qo‘shib olmoqchi. Qayd etilishicha, futbolchining agenti Mino Rayola Turin klubi bilan variantni eng maqbul deb hisoblamoqda.
Romanyoli 2021/22 yilgi mavsumda "Milan" safida 21 ta o‘yinda maydonga tushib, 1 ta gol va 1 ta golli uzatmaga mualliflik qilgan. Futbolchining shartnomasi 2022 yilning iyun oyi oxirigacha amal qiladi.
