Украинанинг "Шахтёр" клуби бош мураббийи ёрдамчиси Александр Спиридон Киевнинг "Динамо"си билан бўлган ўйинда (2:0) ўзининг четлаширилганини шарҳлаб берди.
"Тўғрисини айтганда, тушунтиришим қийин. Лекин ҳафсалам пир бўлди: Мен Сёминни зиёли, тарбияли ва жуда яхши мураббий деб билар эдим. У ноҳақ эди, Гармашни тўғри четлаштирдилар.
Бировни шахсияти ва онасини ҳақорат қилиш ҳеч қайси мураббийга обрў олиб келмайди", - дея унинг сўзларини келтиради "Шахтёр" расмий сайти.
Эслатиб ўтамиз, Украина чемпионатининг 26 - турида "Шахтёр" "Динамо"ни 2:0 ҳисобида доғда қолдирган, учрашувнинг 41-дақиқасида киевликлардан Гармаш четлатилган эди.
