"Манчестер Юнайтед" "Лейпциг" ярим ҳимоячиси Кристофер Нкункуга қизиқиш билдирмоқда, дея хабар беради ESPN нашри .
Манбага кўра, “Манчестер Юнайтед” бош мураббийи Ральф Рангник клубга 24 ёшли франциялик футболчини сотиб олишни маслаҳат берган.
Қайд этилишича, инглиз клуби ярим ҳимоячи Поль Погбанинг мавсум якунида текинга кетиши мумкинлиги муносабати билан ўрта чизиқни кучайтирмоқчи.
Нкунку жорий мавсумда “Лейпциг” сафида 31 ўйинда 19 та гол ва 13 та голли узатмани амалга оширди. Ярим ҳимоячининг немис клуби билан шартномаси 2024 йилнинг 30 июнига қадар тузилган.
