"Наполи" ярим ҳимоячиси Фабиан Руис ёзги трансферлар вақтида жамоани тарк этиши мумкин, дея хабар беради журналист Николо Скира.
Манбага кўра, 25 ёшли испаниялик билан шартномани узайтириш бўйича музокаралар қийин кечмоқда. Олдинроқ ярим ҳимоячи "Ньюкасл" таклифини рад этган, бироқ Испания чемпионатига қайтишини истисно этмаганди.
Руис жорий мавсумда 24 та ўйин ўтказиб, 5 та гол урди ва 4 та голли узатмани амалга оширди. "Transfermarkt" портали футболчининг нархини 55 миллион еврога баҳоламоқда.
