"Napoli" yarim himoyachisi Fabian Ruis yozgi transferlar vaqtida jamoani tark etishi mumkin, deya xabar beradi jurnalist Nikolo Skira.

Manbaga ko‘ra, 25 yoshli ispaniyalik bilan shartnomani uzaytirish bo‘yicha muzokaralar qiyin kechmoqda. Oldinroq yarim himoyachi "Nyukasl" taklifini rad etgan, biroq Ispaniya chempionatiga qaytishini istisno etmagandi.

Ruis joriy mavsumda 24 ta o‘yin o‘tkazib, 5 ta gol urdi va 4 ta golli uzatmani amalga oshirdi. "Transfermarkt" portali futbolchining narxini 55 million yevroga baholamoqda.