«Transfermarkt Official» телеграм канали Европанинг кучли 15та чемпионатида ўйнаётган Собиқ Иттифоқ мамлакатлари вакиллари сонини эълон қилди. Топ-15 чемпионатга АПЛ (Англия), Ла Лига (Испания), А Серия (Италия), Бундеслига (Германия), Лига 1 (Франция), Примейра (Португалия), Эредивизи (Ниделандия), Бундеслига (Австрия), Примьершип (Шотландия), Суперлига (Сербия), Юпилер Про-Лига (Бельгия), Суперлига (Швейцария) ва Суперлига (Туркия) киритилган бўлса, Россия ва Украина чемпионатлари киритилмади.

Ушбу чемпионатларда Ўзбекистондан фақат бир футболчи — Элдор Шомуродов ("Рома") эътироф этилди. Бу кўрсаткич бўйича Ўзбекистон олтинчи поғонада қайд этилди.

Қозоғистоннинг ягона вакили сифатида «Газишехир Газиантеп» футболчиси Александр Меркель тилга олинди.

1). Украина — 15;
2). Россия — 14;
3). Грузия — 10;
4). Литва — 5;
5). Арманистон — 3;
6). Ўзбекистон — 1;
6). Қозоғистон — 1;
7). Озарбойжон — 1;
7). Латвия — 1;
7). Эстония — 1;
7). Молдова — 1.