"ПСЖ" футболчиси Ашраф Хакимий нега "Реал"ни тарк этганини очиқлади. У бу ҳақида шундай дейди:
"Албатта, илк бор "Реал"нинг асосий жамоасига академиядан келиб қўшилиш осон бўлмайди. Клуб сенга бирдан ишонч билдира олмайди. Мен орада икки мавсум "Дортмунд"да ўйнаб қайтиб келдим. Бунда анча тажрибали ҳамда кучлироқ бўлиб қайтгандим. Ҳархолда, ўзимга ишончим кучли эди. Шунга қарамай, "Реал" менга ишонмагандай туюлаверди.
Мен ўзимни юқори формада эканимни билардим. Хатто, жамоа мени "Интер"га пуллаган пайтда ҳам битимга қайтиб сотиб олиш шарти қўшилган эди. Аммо улар бундай қилишмади. Кейин билдимки, "Реал" менга ҳеч қачон ишонмаган. "ПСЖ"дан эса мен ишонч топа олдим. Почеттино мени тўла тушунади ва имкониятларимни қадрлайди".
