"Пари Сен-Жермен" клуби ярим ҳимоячи Анхель Ди Мария билан шартномани узайтириш борасида музокаралар олиб бормоқда.
Бироқ ҳозирда француз клуби аргентиналик футболчи борасида якуний қарорга келмагани боис музокара жараёнини чўзмоқда, деб ёзади "Goal".
Ҳозирда парижликлар бор эътиборини Килиан Мбаппе билан янги шартнома имзолашга қаратган. Ўз навбатида, Ди Мария клубда яна бир мавсум қолишни режалаштирган.
33 ёшли аргентиналик футболчи жорий мавсумда парижликлар сафида 19 ўйинда майдонга тушиб, 3 та гол ва 5 та голли узатмани амалга оширди.
