"Реал Мадрид" ҳимоянинг ўнг қанотига ўйинчи қидирмоқда. Дани Карвахал бу мавсум жуда ишонарсиз ўйин кўрсатмоқда.
Испаниянинг Defensa Central нашри хабарига кўра, "Реал Мадрид" "Байер" ҳимоячиси Жереми Фримпонг номзодига қайтган. Transfermarkt 21 ёшли футболчини 20 миллион еврога баҳоламоқда. Фримпонг жорий мавсумда 30 та ўйинда майдонга тушиб, 2 та гол урди ва 8 та голли узатмани амалга оширди.
Шунингдек, Фримпонг хизматларига Италиянинг "Рома"си ҳам қизиқиш билдираётгани таъкидланган.













