"Манчестер Юнайтед" ҳужумчиси Криштиану Роналду Англия чемпионатининг 26-турида "Лидс" устидан қозонилган ғалаба (4:2) ҳақида фикр билдирди.
"Биз Чемпионлар лигасига эътибор қаратишимиздан олдин Англия Премьер-лигасидаги жуда муҳим ғалабани қўлга киритдик", - деб ёзди португалиялик футболчи ўз "Twitter" саҳифасида.
Эслатиб ўтамиз, Чемпионлар лигасининг 1/8 финалида Ральф Рангник шогирдлари Мадриднинг “Атлетико” жамоаси билан учрашади.
Биринчи учрашув 23 февраль куни Испанияда, жавоб учрашуви 15 март куни Манчестерда бўлиб ўтади.
37 ёшли Роналду жорий мавсумда барча турнирлар доирасида 29 ўйинда 15 та гол урди ва 3 та голли узатмани амалга оширди.
