Мадриднинг «Атлетико» клуби ва Португалия терма жамоаси ҳужумчиси Жоау Феликс «Манчестер Юнайтед»га қарши бўлиб ўтадиган Чемпионлар лигаси 1/8 финал учрашуви олдидан фикрлари билан ўртоқлашди.
«Осасуна» билан сўнгги баҳсда (3:0) яхши ўйнадик. «Манчестер Юнайтед»га ҳам худди шундай темп билан ўйнашимиз керак. Биз биринчи ўйинда «Манчестер Юнайтед»ни мағлуб этиш учун қўлимиздан келганича ҳаракат қиламиз», — дея Феликснинг сўзларини келтиради Маrcа.
«Атлетико» - «Манчестер Юнайтед» учрашуви 23 февраль куни бўлиб ўтади. Учрашув Мадриддаги «Ванда Метрополитано» стадионида Тошкент вақти билан тунги 01:00 да бошланади.
