«ПСЖ» ҳимоячиси Серхио Рамос Чемпионлар лигаси 1/8 финалининг «Реал»га қарши жавоб ўйинида тикланиши даргумон. Маълум бўлишича, футболчининг жароҳати аввалгидан ҳам жиддийроқ бўлиши мумкин.
Le Parisien нашри хабарига кўра, жароҳатнинг оғирлиги ҳозирча номаълум. Эслатиб ўтамиз, футболчи оғир жароҳатлар туфайли жорий мавсумнинг асосий қисмини ўтказиб юборди. Олдинроқ «ПСЖ» Рамоснинг жароҳатлари билан боғлиқ вазият яхшиланмаса, у билан шартномани бекор қилиши мумкинлиги ҳақида маълумотлар пайдо бўлганди.
Рамос ёзда «Реал»дан «ПСЖ»га ўтган эди. Кўп йиллар давомида «қаймоқранглилар» сафида тўп сурган футболчи 2021 йилнинг ёзида эркин агентга айланди, шундан сўнг у француз клуби билан шартнома имзолади.
