«PSJ» himoyachisi Serxio Ramos Chempionlar ligasi 1/8 finalining «Real»ga qarshi javob o‘yinida tiklanishi dargumon. Ma’lum bo‘lishicha, futbolchining jarohati avvalgidan ham jiddiyroq bo‘lishi mumkin.
Le Parisien nashri xabariga ko‘ra, jarohatning og‘irligi hozircha noma’lum. Eslatib o‘tamiz, futbolchi og‘ir jarohatlar tufayli joriy mavsumning asosiy qismini o‘tkazib yubordi. Oldinroq «PSJ» Ramosning jarohatlari bilan bog‘liq vaziyat yaxshilanmasa, u bilan shartnomani bekor qilishi mumkinligi haqida ma’lumotlar paydo bo‘lgandi.
Ramos yozda «Real»dan «PSJ»ga o‘tgan edi. Ko‘p yillar davomida «qaymoqranglilar» safida to‘p surgan futbolchi 2021 yilning yozida erkin agentga aylandi, shundan so‘ng u fransuz klubi bilan shartnoma imzoladi.
