Бугун 2023 йил Хитойда бўлиб ўтадиган Осиё кубогининг саралаш босқичига қуръа ташланди. Унга кўра, Ўзбекистон миллий терма жамоаси Таиланд, Мальдив ва Шри Ланка билан "C" гуруҳидан ўрин олди.
Вакилларимиз иштирок этадиган саралаш учрашувлари Наманганда бўлиб ўтиши режалаштирилган бўлиб, баҳслар 8, 11 ва 14 июнь кунлари ўтказилади. Миллий жамоамиз дастлаб Шри Ланка, орадан 3 кун ўтиб эса Мальдив билан тўқнаш келади. 14 июнь куни эса бизни Таиландга қарши ҳал қилувчи учрашув кутиб турибди.
Эслатиб ўтамиз, гуруҳ ғолиблари ва гуруҳларда иккинчи ўринни эгаллаганлар орасида энг яхши кўрсаткичга эга бўлган 5та терма жамоа финал босқичи йўлланмасини қўлга киритади.
