Ўтган мавсум фаолиятини якунлаган Самюэль Это’Они ҳам футбол афсоналари сафига киритишимиз мумкин. Фаолияти давомида кўплаб катта клубларда тўп тепган камерунлик ҳужумчи Ўзбекистонда ҳам футбол ўйнаши мумкин эди. Аммо Самюэль бу таклифни рад этган.
"Реал Мадрид"да юлдуз бўлиши мумкин эди, лекин тақдир "Барселона"даги келажакни унга туҳфа этди.
Это’О 15 ёшида "Реал Мадрид" академиясига кирган, аммо асосий таркибда ўйнаш учун беҳуда ҳаракат қилган - у "Бланкос"нинг асосий таркибида жами 88 дақиқа ўйин ўтказган. Мадрид клуби раҳбарияти камерунлик бошқа жамоаларда ҳам ривожланиши мумкинлигига ишонган, аммо Испания иккинчи дивизионидаги “Леганес”да 28 учрашувда атиги 3 та гол урган, “Эспаньол”да эса уни умуман майдонга туширишмаган.
«Мальорка» ҳужумчини 4,5 миллион еврога сотиб олган ва бу трансфер ўзини оқлаган. Балеар оролларида африкалик энг хавфли ҳужумчилардан бирига айланди ва 2002/03 йилги мавсумда у жамоа билан Испания кубогини ютиб олди (“Рекреативо”га қарши финалда 3:0), финалда у дубл қайд этди.
2004 йилда "Барселона" оролликларга 27 миллион евро таклиф қилган ва "Мальорка" бу трансферга рози бўлган. Ҳужумчи "Камп Ноу"га борди, "Сантьяго Бернабеу"да эса уни хоин сифатида қабул қилишди.
Гвардиола уни "Барселона"дан четлатди
2008 йилда каталонияликларни Пеп Гвардиола бошқарган ва у дарҳол кийиниш хонасининг "сенаторлари"дан қутулишга уринган: Роналдиньо, Деку ва Это’О - янги мураббий улар жамоа муҳитига ёмон таъсир қилган деб ҳисоблаган. Уччаласи ҳам ажойиб юлдуз саналган, аммо Гвардиола учун улар кераксиз эди. Улар Ронни ва Декудан қутулишга муваффақ бўлишди, аммо Это’О барибир мураббийни унга яна бир имконият беришга кўндирган ва Пеп футболчидан яхшигина фойдалана олди.
2008/09 йилги мавсумда Это’О 30 та гол урди (Мессида 23 та гол) гол уриш бўйича ўзининг шахсий рекордини ўрнатди, аммо Гвардиола аллақачон қарорга келган эди. Это’О "Интер"га Златан Ибраҳимович иштирокидаги мураккаб савдо келишуви доирасида ўтди.
Это’О Пепни ҳеч қачон кечирмади: "Мен уни мураббий сифатида ҳурмат қилардим, лекин шахс сифатида эмас".
“Бунёдкор”нинг ақлга сиғмайдиган таклифини рад этди.
«Барселона» билан хайрлашишдан бир йил олдин Тошкентнинг «Бунёдкор» клуби Это’Ога унинг ҳисобини ҳар 2-3 ойда 25 миллион долларга тўлдиришни таклиф қилиб, бутунлай ақлга сиғмайдиган шартнома таклиф қилганди. Пул шунчалик катта эдики, Это’О ҳатто Ўзбекистонга бориб, жамоа машғулотларида қатнашди.
Аммо якунда у Ўзбекистон тегишли бўлмаган етакчи миллий чемпионатлардан бирида тўп сурадиган жамоада ўйнашни хоҳлаётганини айтиб, барибир шартнома имзолашдан бош тортди.
Россияда у мавсумда деярли 30 миллион евро олган
28,8 миллион евро - бу Самюэль Это’Онинг "Анжи" клубидаги маоши эди. Камерунлик Москвада яшаган, шахсий самолётда саёҳат қилган, агар майсазорга бир қути Cоcа-Cола чиқарилмаса, машғулотларга боришдан бош тортган ва бир неча бор жингалак мўйнали кийимларда кўришган.
Это’Ога Россия чемпионати яхши таъсир қилди ва ҳужумчининг ўзи биринчи мавсумда "Анжи" учун 13 та гол урди, иккинчисида 21 та, учинчисида эса 2 та гол урди. 2013 йилда "Анжи"да кўпроқ ўзгаришлар рўй берди, бу пул оқимини майдалаш билан тавсифланади. Это’О Англияга, "Челси"га кетди.
Қаерда ўйнамаган?
Испания ва Италияни тарк этиб, Ўзбекистонга омадсиз саёҳат қилган Это’О Россияда, яна Италия, Туркия ва Қатарда ўйнади.
Это’Онинг савияси биринчи марта 2014/15 йилги мавсумда қайд этилган, ўшанда 33 ёшли ҳужумчи "Эвертон" ва "Сампдория" учун 38 ўйинда атиги 6 та гол урганди. Аммо бу камерунлик футболчининг Туркия чемпионатида ўзининг барча қирралари билан яна порлашига ҳеч қандай тўсқинлик қилмади.
Камерун миллий ифтихори
Камерун терма жамоаси сафида ҳужумчи 118та ўйин ўтказиб, 56та гол урган. У терма жамоа билан Олимпиада ғолиби бўлган ва икки марта Африка Миллатлар Кубогини қўлга киритган. Самюэль Это’О Камерун учун жуда кўп ишларни қилди, лекин у ҳаётида фақат битта орден олди: "Доғистон Республикаси олдидаги хизматлари учун".
Бироқ, ҳали ҳам кеч эмас. Это’О Камерунда шу қадар машҳурки, у баъзида сиёсий мартаба ҳақида ўйлайди.
Миржалол Пардабоев тайёрлади.
