“Челси” дарвозабони Кепа Аррисабалага ёзда лондонликлар сафини тарк этиши мумкин. Бу ҳақда TodoFichajes нашри хабар бермоқда.
Манбага кўра, футболчига АПЛнинг бошқа клуби “Ньюкасл” қизиқиш билдирмоқда. Бунга асосий сабаб етарли ўйин амалиётига эга бўлмаганлиги.
Испан кипери 2018 йилда “Челси”га ўтган эди, аммо кейинчалик лондонликлар Менди билан шартнома имзолаганидан сўнг Кепа захира футболчисига айланиб қолди.
Таъкидланишича, “қарғалар” испаниялик футболчининг трансфери учун “аристократлар”га 30 миллион евро таклиф қилмоқчи. Лекин ҳозирча “Челси” бу суммага рози бўладими ёки йўқми, номаълум.
