“Chelsi” darvozaboni Kepa Arrisabalaga yozda londonliklar safini tark etishi mumkin. Bu haqda TodoFichajes nashri xabar bermoqda.

Manbaga ko‘ra, futbolchiga APLning boshqa klubi “Nyukasl” qiziqish bildirmoqda. Bunga asosiy sabab yetarli o‘yin amaliyotiga ega bo‘lmaganligi.

Ispan kiperi 2018 yilda “Chelsi”ga o‘tgan edi, ammo keyinchalik londonliklar Mendi bilan shartnoma imzolaganidan so‘ng Kepa zaxira futbolchisiga aylanib qoldi.

Ta’kidlanishicha, “qarg‘alar” ispaniyalik futbolchining transferi uchun “aristokratlar”ga 30 million yevro taklif qilmoqchi. Lekin hozircha “Chelsi” bu summaga rozi bo‘ladimi yoki yo‘qmi, noma’lum.