АПЛ доирасида бўлиб ўтган «Эвертон» - «Манчестер Сити» жамоалари ўртасидаги учрашувда йўл қўйган хато учун ҳакамлар узр сўради.
«Эвертон» АПЛнинг 27-турида ўз майдонида АПЛ пешқадамига мағлуб бўлди (0:1). Якунда бош ҳакам Пол Тирни тўп Родрининг қўлига теккан вазиятда «шаҳарликлар» дарвозасига пенальти белгиламади.
Мезбонларнинг ҳужумларидан бирида тўп жарима майдончаси ичида испанияликнинг қўлига текканди. Тирни видеоассистент билан маслаҳатлашганидан сўнг, пенальти белгиламасликка қарор қилганди.
Ҳакамлар қўмитаси раҳбари Майкл Райли «Эвертон» бошқаруви раиси Билл Кенрайту ва бош мураббий Франк Лэмпардга шахсан қўнғироқ қилиб, узр сўради.
