«Шўртан» - «Металлург» жамоалари ўртасидаги баҳс якунига етганидан бекобдодликлар жамоаси бош мураббийи Рустам Мирсодиқов ўйин борасида фикрларини билдириб ўтди.

«Шўртан» жамоаси кучли рақиб эканлигини шогирдларим жуда яхши билишарди. Шунининг учун асосий урғуни ҳимояга қаратган ҳолда, имкон бўлди дегунча қарши ҳужумга ўтишимизни уқтиргандим. Барчаси биз ўйлагандек якунланди. Пенальти ишладик ва тезкор гол киритдик. «Шўртан»да эса бир қатор хавфли ва голга тортадиган вазиятлар содир бўлди. Лекин, яратилган вазиятлардан оқилона фойдалана олишмади»

«Шогирдларим кўрсатмаларни бажаришдими? Жамоам ғалаба қозондими, демак қайсидир маънода кўрсатмаларимиз аниқ бажарилган. Лекин, шогирдларим кўрсатган ўйинидан қониқиш ҳосил қилдим».

«Мен рақиб мураббийини олиб бораётган ишига баҳо беришга ҳам, муҳокама қилишга ҳам ҳаққим йўқ. «Шўртан» жамоаси доим ҳужумкор ўйин намойиш этган жамоа ҳисобланади ва бугун ҳам мана шундай ўйинларини намойиш этишди», дея сўзини якунлади Мирсодиқов.