Карло Анчелотти «Реал»даги фаолияти ҳақида гапирди.
«Мен буни баъзилар айтганидек мукаммал ёки ёмон бажармадим. Ростини айтсам, шифокорлар, физиотерапевтлар, фитнес-мураббийлар билан биргаликда олиб бораётган ишларимиздан мамнунман.
Мавсумнинг ушбу босқичига келиб, биз хоҳлаган жойга етиб келдик. Бензема жароҳат олган пайтда ва бразилияликларсиз ўз терма жамоалари ихтиёрига кетишган пайтда Кубок баҳсларини тарк этганимиз ачинарли. Аммо Ла Лигада биз яхши ўйнаяпмиз, Чемпионлар Лигасида эса ҳозирча кичик ҳисобда ортда боряпмиз.
Кетма-кет тўртта ўйинда гол ўтказиб юбормаётганимиз бизни руҳлантирди. Бу ишонч дейилади», - дейди мадридликлар устози.
