«Stadion.uz» нашрида берилган, Эрон терма жамоаси бош мураббийи Карлуш Кейрушнинг Тошкент дербисини кузатиш учун келиши ҳақидаги хабарда хатога йўл қўйилган.
Биринчи давра ўйинлари тақвимига кўра, Олий Лига ва Ўзбекистон Кубоги доирасида ҳеч қандай ўйинлар белгиланмаган. ЎзПФЛ бош директори Фарҳод Магометов берган маълумотга кўра, 2011 йилги Ўзбекистон чемпиони «Бунёдкор» ва 2011 йилги Ўзбекистон Кубоги соҳиби «Пахтакор» ўртасидаги қолдирилган 2012 йилги Ўзбекистон Суперкубоги учрашуви 22 май куни ўтказилмайди.
Биринчи давра ўйинлари тақвимига кўра, 19-21 май кунлари Олий Лига 9-тур учрашувлари бўлиб ўтади. Бундан ташқари, ОФК қарорига кўра, 22 май куни Осиё Чемпионлар Лигаси ғарбий минтақасида 1/8 финал ўйинлари бўлиб ўтади. Агар Ўзбекистон клублари ушбу босқич йўлланмасини қўлга киритишса, 9-тур ўйинлари режасига ўзгартириш киритилиши мумкин.
«Бунёдкор» ва «Пахтакор» ўртасидаги учрашув Олий Лига 12-тур баҳслари доирасида 26 июнь, сешанба куни бўлиб ўтади.