Лондоннинг "Вест Хэм" клуби ярим ҳимоячиси Деклан Райс жамоаси жорий футбол мавсуми якунида Чемпионлар лигасига йўл олишига умид қилмоқда.
"Айни дамда биз бунга яқинмиз. Ўтган мавсумда Чемпионлар лигасига чиқа олмаганимиздан сўнг хафа бўлдик. Чемпионлар лигаси мен учун катта мақсад, бир кун у ерда ўйнаб, муваффақиятга эришаман деган умиддаман.
Мен ўзимни дунёнинг энг яхши ўйинчиларидан бири сифатида кўрсатгандек ҳис қиляпман. Мен эндигина 23 ёшдаман, ҳали ёшман, лекин ўйин қобилиятим нуқтаи назаридан, барқарор ўйнайман ва ўзимни етук футболчи деб ҳисоблайман. Менинг савиям яхши ва энг юқори савияда ўйнай оламан", деди Райс Evening Standard нашрига.
