Лондон "Челси" клуби АПЛнинг 28-турида «Бёрнли»ни сафарда (4:0) йирик ҳисобда мағлуб этганидан жамоа бош мураббийи хурсанд эканлигини яширмади.
- Иккинчи бўлимда биз эркинроқ ўйнадик. Биз футболчиларга нимани кўришни хоҳлаётганимизни эслатишимизга тўғри келди. Рақиб ҳимоясига кўпроқ муаммо яратиш, эркин зоналар излаш керак эди. Бундан ҳам яхшироқ бўлиши мумкин эди, лекин биз ўйнаётган жойимизни ҳурмат қилдик.
Биринчи гол бугун жуда муҳим эди, бу бизга ишонч бағишлади. «Бёрнли» ҳозирги ҳолатда бўлганида, улар сизга доим муаммолар туғдирарди.
- Ўйинга алоқадор бўлмаган бегона вазиятлар ҳақида нима дея оласиз?
- Ўйлайманки, «Уэмбли»даги Лига кубоги финалидаги ўйин спортга эътибор қаратганимизни кўрсатди. Бугун ҳам худди шундай бўлди. Жамоа фаоллашди, чалғилмади ва жангга тайёр эди. Бу футболчиларнинг характерини кўрсатади, мен улар билан жуда фахрланаман”, деди «Челси» бош мураббийи.