«Байер» вингери Мусса Диаби ёзги трансфер ойнаси вақтида «Ньюкасл Юнайтед»га ўтиши мумкин.

Аввал хабар қилинганидек, немис клуби асосий футболчиси учун тахминан 100 миллион евро сўрамоқчи. Daily Mail нашри хабарига кўра, немис клуби бу талабни 90 миллионгача камайтириш мумкин, аммо «Ньюкасл» Мусса учун атиги 60 миллион (!) беришга тайёр.

22 ёшли Мусса Диабининг «доричилар» билан шартномаси 2025 йил июнь ойи охиригача амал қилади. Жорий мавсумда франциялик футболчи 31 ўйинда 15 та гол урди ва 9 та голга ҳам муаллифлик қилди. Трансфермаркт унинг нархини 45 миллион еврога баҳоламоқда.