Португалиянинг "Бенфика" клуби ҳужумчиси Дарвин Нуньес "Атлетико" ва "Манчестер Юнайтед" қизиқишлари доирасида бўлиб турибди.
"Bein Sports" телеканалининг маълумотларига кўра, португал клуби ҳужумчисини қўйиб юбориш ниятида эмас. Аммо яқин кунларда "матрасчилар" ва "қизил иблислар"нинг скаутлари Нуньеснинг агентлари билан учрашишни мақсад қилган.
Жорий мавсум 22 ёшли Уругвай терма жамоасига номзод футболчи Португалия чемпионатининг 20 ўйинида 20 та гол урган ва 2 та ассистни амалга оширган. Transfermarkt портали уни 32 миллион еврога баҳолаган.