21 ёшлилар мусобақасининг дастлабки тур ўйинлари ниҳоясига етди. Кеча ўтказилган икки учрашувнинг бирида меҳмонлар ғалаба қозонишди, иккинчисида дуранг қайд этилди. “Локомотив” ёшлари сафарда тўп суришларига қарамай, “Қизилқум”ни мағлуб эта олди. Навоийликлар рамзий маънода ўз майдони сифатида Олмалиқда кечган ўйинда йирик ҳисобда имкониятни бой бериб қўйди. Иккинчи ўйинда турдаги ягона дуранг кузатилди. Қизиқ томони, биринчи бўлимда олмалиқликлар иккита тўп фарқида олдинда боришди, иккинчи бўлимда эса ўз дарвозаларидан шунча гол ўтказиб юборишди. Ҳар иккала томон ҳам биттадан голларини пенальтидан уришди. Шу тариқа биринчи турдан кейин олтита жамоа уч очко тўплади, фақат голлар сони бўйича “Пахтакор” турнир жадвалида етакчилик қиляпти. Яна шунча жамоада ҳозирча очко йўқ. “Пахтакор”дан 0:5 ҳисобида енгилган “Динамо” қуйидан “карвонбоши” бўлиб турибди.
U-21. 1-тур.
5 март, шанба
ҚИЗИЛҚУМ – ЛОКОМОТИВ - 1:4 (1:3).
Олмалиқ. ОТМК спорт мажмуаси. 58 томошабин.
Ҳакамлар: Ҳусан Музаффаров, Азиз Каримов, Илҳом Абдулаков
Назоратчи: Дмитрий Роман
Комиссар: Александр Давиденко
Голлар: Исмоил Абдураҳмонов, 6 (0:1), Али Абдураҳмонов, 20 (0:2), Азамат Абдухалилов, 29 (0:3), Габриэл Гонзало, 39-пен. (1:3), Отабек Туропов, 90+3 (1:4)
Огоҳлантиришлар: Абдувосидхон Абдурашидов, 85 – Шерзоджон Комилов, 27, Жавоҳир Жўраев, 58
Четлатиш: Оғабек Тожиев, 81 – йўқ.
МЕТАЛЛУРГ – АГМК – 2:2 (0:2).
Бекобод. “Металлург” стадиони. 78 томошабин.
Ҳакамлар: Санжар Назаров, Миржалол Орзидинов, Артем Снетков
Назоратчи: Бобур Ҳайдаров
Комиссар: Владимир Назаров
Голлар: Нодирбек Абдураззоқов, 33 (0:1), Суннатилло Абдуғаниев, 45+2-пен., (0:2), Шахзоджон Неъматжонов, 58 (1:2), Фарруҳбек Хожибеков, 76-пен. (2:2).
Огоҳлантиришлар: Фарруҳбек Хожибеков, 15, Равшан Хайруллаев, 18, Абдувоҳид Охтоев, 23, Далер Шарипов, 88 – Ихтитёр Холмўминов, 53, Бобурбек Собиров, 64, Аҳмадулло Муқимжонов, 75, Искандар Бусинов, 88.
