«Манчестер Сити» ярим ҳимоячиси Кевин Де Брюйне АПЛнинг 28-тури доирасида «Манчестер Юнайтед» устидан қозонилган ишончли ғалаба (4:1) ҳақида фикр билдирди. Бу баҳсда Де Брюйне иккита гол урди.

«Менимча, «Манчестер Юнайтед» биз билан бошқа ўйинлардагига қараганда бироз бошқача ўйнади. Улар прессинг қилишга ҳаракат қилишди ва биринчи бўлимни яхши ўтказишди. Аммо иккинчи бўлимда биз кўпроқ вазиятлар яратдик.

Имконият пайдо бўлганда, мен тўғри жойда бўлишим керак. Бугун жуда яхши ўйнадик ва уч очкога лойиқ эдик.

Чемпионлик пойгаси ҳар бир ўйинда ғалаба қозонишни ўз ичига олади. Кеча «Ливерпуль» ғалаба қозонди, аммо биз уларга жавоб қайтардик. Баъзида натижага эриша олмаяпмиз, лекин биз доим тўғри йўлдамиз. Чемпионлик учун охиригача курашамиз», - дея Де Брюйне сўзларини келтиради Sky Sports.

«Манчестер Сити» 69 очко билан АПЛ турнир жадвалида пешқадамлик қилишда давом этмоқда. Иккинчи ўриндаги «Ливерпуль» ҳисобида 63 очко ва бир заҳира ўйини бор. «Манчестер Юнайтед» 47 очко билан 5-ўринда бормоқда.