«Manchester Siti» yarim himoyachisi Kevin De Bryuyne APLning 28-turi doirasida «Manchester Yunayted» ustidan qozonilgan ishonchli g‘alaba (4:1) haqida fikr bildirdi. Bu bahsda De Bryuyne ikkita gol urdi.
«Menimcha, «Manchester Yunayted» biz bilan boshqa o‘yinlardagiga qaraganda biroz boshqacha o‘ynadi. Ular pressing qilishga harakat qilishdi va birinchi bo‘limni yaxshi o‘tkazishdi. Ammo ikkinchi bo‘limda biz ko‘proq vaziyatlar yaratdik.
Imkoniyat paydo bo‘lganda, men to‘g‘ri joyda bo‘lishim kerak. Bugun juda yaxshi o‘ynadik va uch ochkoga loyiq edik.
Chempionlik poygasi har bir o‘yinda g‘alaba qozonishni o‘z ichiga oladi. Kecha «Liverpul» g‘alaba qozondi, ammo biz ularga javob qaytardik. Ba’zida natijaga erisha olmayapmiz, lekin biz doim to‘g‘ri yo‘ldamiz. Chempionlik uchun oxirigacha kurashamiz», - deya De Bryuyne so‘zlarini keltiradi Sky Sports.
«Manchester Siti» 69 ochko bilan APL turnir jadvalida peshqadamlik qilishda davom etmoqda. Ikkinchi o‘rindagi «Liverpul» hisobida 63 ochko va bir zahira o‘yini bor. «Manchester Yunayted» 47 ochko bilan 5-o‘rinda bormoqda.
