Роберто Манчини Италия терма жамоасининг ЖЧ-2022 саралаш босқичидаги иштироки ҳақида гапирди.

“Жиддий синовдан олдинги кайфият? Йигитлар клублар учун ўйнашмоқда, шунинг учун улар бу ҳақда ҳали ўйламагандирлар. Лекин, назаримда, уйда ёлғиз қолганларида ўйлайдилар.

Биз ўзимизни шу аҳволга солиб қўйдик. Биринчи ўйин янада қийин бўлади, биз ажойиб ўйин кўрсатишимиз керак. Биз Палермода ўйнаймиз, у ерда томошабинлар футболчиларни ёнида бўлади, шунинг учун ҳам муваффақиятга эришамиз деб ўйлайман. Мен йигитларга ишонаман.

Биламан, 10 кун жуда оғир бўлади. Биз бу босқичга тушиб қолишдан қочишимиз керак эди. Лекин баъзида спортда қаттиқ ишлашга тўғри келади ва биз курашамиз», - деди Манчини.