Бразилия терма жамоасининг собиқ машхур ҳужумчиларидан бири Ромарио, ўз ватани терма жамоасининг келажагидан ҳавотирда эканлигини таъкидлаб ўтди.

Афсонавий ҳужумчи, терма жамоанинг ҳозирги бош мураббийи Мано Менезесни Бразилия терма жамоасига мос мураббий эмас дейишдан чарчамаяпти.

"Агар футбол бўйича жаҳон чемпионати ҳозир ўтказилганда эди, Бразилия ҳатто гуруҳдан ҳам чиқа олмасди. Бунга аминман. Терма жамоа тайёргарлик кўриш ўрнига шунчаки вақт ўтказаяпти.

Эртага жамоа инқирозга юз тутса, қандай баҳона ўйлаб топишларини ҳам биламан - бизга вақт етмади деб қўя қолишади.", -дейди Ромарио.

"Мано Менезеснинг терма жамоа бош мураббийи бўлиб турганлиги бу ҳато. У бундай савиядаги терма жамоани бошқарадиган мутахассис эмас. Лондондаги олимпиададан кейин у ўз вазифасидан озод этилиши мумкин.

"Ҳозирда энг яхши вариант, ёшлар терма жамоаси бош мураббийи Неи Франко. Терма жамоа бош мураббийлиги учун энг идеал номзод эса - Жоель Сантана. У мен таниган мураббийлар ичида энг кучлисидир", дея Ромарионинг сўзларидан парча келтирмоқда Бразилиянинг O Dia нашри.