Мадриднинг «Реал» клуби Карим Бензема билан шартномани 2024 йилгача узайтириш бўйича музокараларни бошлашга тайёр. Бу ҳақда журналист Никола Скира ўзининг твиттер саҳифасида маълум қилди.
Франциялик футболчи билан амалдаги келишув 2023 йилнинг ёзига қадар тузилган.
Эслатиб ўтамиз, сешанба куни «ПСЖ»га қарши Чемпионлар лигаси 1/8 финалининг жавоб учрашувида Бензема хет-трик қайд этиб, «Реал»ни турнирнинг кейинги босқичига олиб чиқди (3:2).
Умуман олганда, жорий мавсум 34 ёшли ҳужумчи «Реал» сафида барча турнирлар доирасида 33 та ўйин ўтказиб, 30 та гол урган ва 12 та голли узатмани амалга оширган.
