Хави «Барселона»нинг «Галатасарой»га қарши ўйини (0:0) ҳақида гапирди.
"Галатасарой" кўрсатган ўйин ҳақида:
"Икки омил таъсир қилди. Улар жуда яхши ҳимояланишди, жуда шиддатли, тажовузкор ҳаракат қилишди... Биз уларнинг ўйинларини таҳлил қилдик ва уларда «Галатасарой» бошқача ҳаракат қилганди. Иньяки Пенья ҳам ўзини кўрсатди. Бизга ҳужумда аниқлик етишмади.
Биз иккинчи бўлимда яхшироқ ўйнадик ва тўғрисини айтсам, биз камида 1:0 ҳисобига лойиқ эдик"
Танаффус пайтидаги учта футболчи алмаштириш тўғрисида:
«Биз уюшқоқлик билан ҳаракат қилдик, футболчилар ўз позицияларини яхши эгаллашди, жамоа тизимни идрок этади. Биз бироз яхшироқ ҳужум қилишимиз керак эди. Ҳужумда ўйин нимани талаб қилишини яхшироқ тушуниш керак.
Биз мукаммал эмасдик, лекин ҳеч бўлмаганда ғалаба қозониш учун ўз футболимизни ўйнадик», - деди «Барселона» устози Европа лигаси 1/8 финалининг биринчи ўйинидан сўнг.