Ўзингизга маълум, “Насаф” 15 март куни БААда Осиё чемпионлари лигаси плей-офф беллашувида майдонга тушади.
Бугун ОФК 15 март куни Абу Дабининг “Банияс” жамоаси билан бўлиб ўтадиган учрашувнинг расмийларини эълон қилди.
Учрашувнинг бош ҳаками этиб Али Сабаҳ Аддай Ал-Қайси тайинланган. Унга қанотларда Ҳайдар Абдулҳасан Али Убайда ва Амир Довуд Ҳусайн Ал-Виндави ёрдам беради. Захира ҳаками сифатида Заид Томер Муҳаммад фаолият олиб боради. Ҳакамларнинг барчаси Ироқдан. Ҳакамлар ишини Ленний Эдвард МакГрегор назорат қилади (Австралия). Учрашув комиссари этиб Бачир Чафик Абдул Ҳолиқ тайинланган (Ливан).
Мазкур беллашув Тошкент вақти билан 21:15 да бошланади.
