Hyundai автомобил бренди Буюк Британия ҳукумати клуб хўжайини Роман Абрамовичга қўйган санкциялари туфайли Лондоннинг “Челси” клубига ҳомийликни тўхтатди, деб хабар бермоқда Goal.com.

“Hyundai охирги йилларда футболнинг асосий ҳомийларидан бирига айланди. Компания спортни яхшилик учун куч бўлишини қўллаб-қувватлайди. Биз ўйинчиларни, мухлисларни ва оммавий футболни қўллаб-қувватлаш учун "Челси" билан ҳамкорлик қилишдан фахрланамиз. Бироқ, ҳозирги шароитда биз клуб билан маркетинг ва алоқа фаолиятини тўхтатишга қарор қилдик.

Биз "Челси"дан ҳомийлигимизни вақтинча тўхтатишни, жумладан футболкалар ва стадион фасадидаги бренд логотипини олиб ташлашни сўрадик. Бу қарор ўз жамоаси ҳақида қайғурадиган кўплаб "Челси" мухлисларига таъсир қилишини тушунамиз. Бироқ, вазият ва Буюк Британия ҳукуматининг жорий санкцияларини ҳисобга олган ҳолда, бу тўғри қадам, деб ҳисоблаймиз”, — дейилади Hyundai баёнотида.