Hyundai avtomobil brendi Buyuk Britaniya hukumati klub xo‘jayini Roman Abramovichga qo‘ygan sanksiyalari tufayli Londonning “Chelsi” klubiga homiylikni to‘xtatdi, deb xabar bermoqda Goal.com.
“Hyundai oxirgi yillarda futbolning asosiy homiylaridan biriga aylandi. Kompaniya sportni yaxshilik uchun kuch bo‘lishini qo‘llab-quvvatlaydi. Biz o‘yinchilarni, muxlislarni va ommaviy futbolni qo‘llab-quvvatlash uchun "Chelsi" bilan hamkorlik qilishdan faxrlanamiz. Biroq, hozirgi sharoitda biz klub bilan marketing va aloqa faoliyatini to‘xtatishga qaror qildik.
Biz "Chelsi"dan homiyligimizni vaqtincha to‘xtatishni, jumladan futbolkalar va stadion fasadidagi brend logotipini olib tashlashni so‘radik. Bu qaror o‘z jamoasi haqida qayg‘uradigan ko‘plab "Chelsi" muxlislariga ta’sir qilishini tushunamiz. Biroq, vaziyat va Buyuk Britaniya hukumatining joriy sanksiyalarini hisobga olgan holda, bu to‘g‘ri qadam, deb hisoblaymiz”, — deyiladi Hyundai bayonotida.
