Vinisius Juniorning dubli La Liga doirasidagi «Espanyol»ga qarshi o‘yinda (2:0) madridlik «Real»ga g‘alaba keltirdi. Braziliyalik futbolchi 55-daqiqada hisobni ochgan bo‘lsa, 66-daqiqada «qaymoqranglilar»ning ustunligini mustahkamladi.
Opta ma’lumotlariga ko‘ra, Vinisius 2026 yil boshidan buyon barcha turnirlarda 16 ta gol urdi — bu Yevropaning kuchli beshlik chempionatlari vakillari orasida Xarri Keyndan («Bavariya», 24 ta gol) keyingi ikkinchi ko‘rsatkichdir.
La Liganing joriy mavsumdagi to‘purarlar poygasida Madrid grandi hujumchisi 15 ta gol bilan beshinchi o‘rinda bormoqda. U faqat jamoadoshi Kilian Mbappe (24), Vedat Muriki («Malyorka», 21), Lamin Yamal («Barselona», 16) va Ante Budimirdan («Osasuna», 16) ortda qolmoqda.
