Криштиану Роналду “Манчестер Юнайтед”ни тарк этиш ниятида эмас.

37 ёшли ҳужумчи клуб билан 2023 йилнинг ёзига қадар амал қиладиган шартномасини охиригача қолишга қарор қилди, дея хабар берди AS.

Португалиялик "Юнайтед" янги мураббий танлашда хато қилмаслигига ишонч билдирмоқда. Футболчининг фикрича, янги мураббийнинг келиши ва таркибнинг кучайтирилиши клубга келаси мавсумда Премьер-лига ва Чемпионлар лигасида ғолиблик учун курашиш имконини беради.

Маълумот учун, Роналду ўтган ёзда "Манчестер Юнайтед"га қайтган эди. Жорий мавсумда у клуб сафида барча турнирларда 33 та ўйинда майдонга тушиб, 18 та гол урди ва 3 та голли узатмани амалга оширди.