«Байер» ҳимоячиси Жонатан Та Европа лигаси 1/8 финали жавоб ўйинида «Аталанта»дан учралган мағлубият (0:1) ва турнирни тарк этиши ҳақида фикр билдирди.

"Бизда ғалаба қозониш учун имкониятлар бўлганини ҳисобга олсак, жуда ғазабдамиз. Биз ўз дарвозамиз даҳлсизлигини сақламоқчи эдик, шу билан бирга гол уришимиз кераклигини билардик ва бугун буни уддалай олмадик. Ўйлайманки, Фримпонг ва Вирцларнинг жароҳатларидан сўнг, бутун жамоа маъсулиятни ўз бўйнига олди. Биз жуда яхши ўйнадик, ўз ўйинимизни кўрсатдик, аммо имкониятларимиздан фойдалана олмадик ва якунда мағлубиятга учрадик», - деди Та УЕФА расмий сайтига.