"Ювентус" Пауло Дибалани лойиҳанинг асосий фигураси деб ҳисобламайди.
La Gazzetta dello Sport хабарига кўра, Италия клуби ёзда аргентиналик ҳужумчини текинга йўқотишдан хавотирда эмас.
Дибала энди "Ювентус"да қурилаётган лойиҳанинг марказий фигураси ҳисобланмайди. Энди бу роль ҳужумчи Душан Влаҳовичга топширилди. Бундан ташқари, "Ювентус" Мадриднинг "Атлетико" клуби ҳужумчиси Алваро Моратани сотиб олиши кутилмоқда.
Паулонинг "Ювентус"ни тарк этиши эҳтимоли юқори. Турин клуби ўтган ҳафта футболчи агенти билан учрашувни бекор қилди, бироқ томонлар Фифа кунларида яна бир учрашув ўтказиши кутилмоқда.
"Ювентус" Дибалага мавсумда 7 миллион евродан ортиқ маош таклиф қилмайди. Бу томонлар 2021 йилда келишиб олган суммадан анча кам.
28 ёшли форвард жорий мавсумда "Ювентус" сафида барча турнирлар доирасида 28 та ўйинда майдонга тушиб, 12 та гол урди ва 6 та голли узатмани амалга оширди.
