"Yuventus" Paulo Dibalani loyihaning asosiy figurasi deb hisoblamaydi.
La Gazzetta dello Sport xabariga ko‘ra, Italiya klubi yozda argentinalik hujumchini tekinga yo‘qotishdan xavotirda emas.
Dibala endi "Yuventus"da qurilayotgan loyihaning markaziy figurasi hisoblanmaydi. Endi bu rol hujumchi Dushan Vlahovichga topshirildi. Bundan tashqari, "Yuventus" Madridning "Atletiko" klubi hujumchisi Alvaro Moratani sotib olishi kutilmoqda.
Pauloning "Yuventus"ni tark etishi ehtimoli yuqori. Turin klubi o‘tgan hafta futbolchi agenti bilan uchrashuvni bekor qildi, biroq tomonlar Fifa kunlarida yana bir uchrashuv o‘tkazishi kutilmoqda.
"Yuventus" Dibalaga mavsumda 7 million yevrodan ortiq maosh taklif qilmaydi. Bu tomonlar 2021 yilda kelishib olgan summadan ancha kam.
28 yoshli forvard joriy mavsumda "Yuventus" safida barcha turnirlar doirasida 28 ta o‘yinda maydonga tushib, 12 ta gol urdi va 6 ta golli uzatmani amalga oshirdi.
