18 yoshli qanot hujumchisi Reygan Xeski faoliyatini Germaniya chempionatida davom ettiradi. «Manchester Siti» vingeri «Kyoln» klubiga o‘tdi. Bu haqdagi ma’lumotlar Germaniya jamoasining rasmiy saytida paydo bo‘ldi.

Xeski «echkilar» tarkibida 2031 yilning yoziga qadar to‘p suradi — uning mehnat shartnomasi aynan shu muddatga mo‘ljallangan. Mish-mishlarga ko‘ra, «Manchester Siti» o‘z tarbiyalanuvchisi uchun ikki million yevro ishlab oladi.

«Shaharliklar» yoshlar jamoasi tarkibida Xeski o‘tgan mavsumda 40 ta o‘yinda ishtirok etdi. Uning hisobida 13 ta gol va 16 ta golli uzatma mavjud. Ingliz hujumchisi asosiy jamoa libosida atigi bir marta — Angliya liga kubogi doirasidagi «Xaddersfild»ga qarshi o‘yinda yetti daqiqa maydonda harakat qilgan.