Мадриднинг "Реал" клуби бош мураббийи Карло Анчелотти эртага бўлиб ўтадиган навбатдаги "Эл-класико"дан олдинги фикрлари билан ўртоқлашди.
"Бензема эртага майдонга тушмайди, биз таваккал қила олмадик. Баъзи ноқулайликлар унга одатдагидек машқ қилишга имкон бермади. Шунингдек, у Франция терма жамоаси ихтиёрига ҳам бормайди. Карим кейинги ҳафтада тайёр бўлади, у мавсумнинг асосий қисмида ажойиб ҳолатда бўлади. «Барселона» кучли жамоа. Уларда аниқ ўйин услуби бор, Хави буни ажойиб тарзда кўрсатмоқда. «Барселона» ўз вазифаларини яхши бажармоқда" - деди "қаймоқранглилар" устози.
