Madridning "Real" klubi bosh murabbiyi Karlo Anchelotti ertaga bo‘lib o‘tadigan navbatdagi "El-klasiko"dan oldingi fikrlari bilan o‘rtoqlashdi.
"Benzema ertaga maydonga tushmaydi, biz tavakkal qila olmadik. Ba’zi noqulayliklar unga odatdagidek mashq qilishga imkon bermadi. Shuningdek, u Fransiya terma jamoasi ixtiyoriga ham bormaydi. Karim keyingi haftada tayyor bo‘ladi, u mavsumning asosiy qismida ajoyib holatda bo‘ladi. «Barselona» kuchli jamoa. Ularda aniq o‘yin uslubi bor, Xavi buni ajoyib tarzda ko‘rsatmoqda. «Barselona» o‘z vazifalarini yaxshi bajarmoqda" - dedi "qaymoqranglilar" ustozi.
