O‘tmishda taniqli bo‘lgan fransiyalik futbolchi Patrik Viyeyra Jahon chempionati doirasidagi Fransiya va Ispaniya terma jamoalari o‘rtasidagi o‘yin haqida o‘z fikrlarini bildirib o‘tdi.
«Fransiya terma jamoasidan ikkinchi bo‘limda ko‘proq narsa kutgan edim. Menimcha, Ispaniya Fransiya uchun juda kuchlilik qildi.
Desham jamoasiga o‘ziga bo‘lgan ishonch yetishmayotgandek ko‘rinadi. Ular ispanlardan qo‘rqishdimi yoki yo‘q, bilmayman. Jamoada o‘yinni nazorat ostiga olish uchun xarakter yetishmagandek tuyuldi. Mening xafsalam pir bo‘ldi», — dedi Viyeyra ITV efirida.
