Fransiya terma jamoasi 2026 yilgi jahon chempionati yarim finalida Ispaniyaga 0:2 hisobida mag‘lub bo‘lgan uchrashuvda muhim hujumkor statistika bo‘yicha milliy antirekord qayd etdi.

Uchrashuvda Ispaniya safida Mikel Oyarsabal 22-daqiqada hisobni ochgan bo‘lsa, Pedro Porro 58-daqiqada ikkinchi golga mualliflik qildi.

Opta Sport statistika portali ma’lum qilishicha, mazkur bahsda Fransiyaning xG (yuzaga kelga ehtimoliy gollar) ko‘rsatkichi atigi 0,3 ni tashkil etgan. Bu esa statistika yuritila boshlanganidan beri Fransiya terma jamoasining jahon chempionatlaridagi eng past xG natijasi hisoblanadi.

Endi Fransiya uchinchi o‘rin uchun bahsda ishtirok etadi. Ispaniya esa chempionlik uchun o‘ynaydi. Bu jamoalarning raqiblari Angliya — Argentina juftligi g‘olibi va mag‘lubidan so‘ng aniqlanadi.

Izoh: xG (Expected Goals — yuzaga kelgan ehtimoliy gollar) — futbolda yaratilgan golli vaziyatlar sifati va zarbaning gol bilan yakunlanish ehtimolini baholovchi statistik ko‘rsatkich.