«Аталанта» ҳужумчиси Дуван Сапата «Интер» нишонига тушган.

Колумбиялик футболчи ўтган ёзда «Интер»га ўтиши мумкин эди, аммо «Аталанта» ўз юлдузини қўйиб юборишдан бош тортди.

2021/22 йилги мавсум якунида «нерадзуррилар» Сапата номзодига яна қайтишмоқда. Бироқ, «Интер»нинг асосий трансфер мақсади «Милан» даъвогарлик қилаётган «Сассуоло» ҳужумчиси Жанлука Скамакка бўлиб қолмоқда.

30 ёшли Сапата италиялик футболчи билан музокаралар муваффақиятсиз якунланган тақдирдагина муқобил вариант сифатида кўрилади.

Дуван Сапата жорий мавсум 23 та ўйинда 12 та гол ва 7 та голли узатмага муаллифлик қилган.