«Atalanta» hujumchisi Duvan Sapata «Inter» nishoniga tushgan.

Kolumbiyalik futbolchi o‘tgan yozda «Inter»ga o‘tishi mumkin edi, ammo «Atalanta» o‘z yulduzini qo‘yib yuborishdan bosh tortdi.

2021/22 yilgi mavsum yakunida «neradzurrilar» Sapata nomzodiga yana qaytishmoqda. Biroq, «Inter»ning asosiy transfer maqsadi «Milan» da’vogarlik qilayotgan «Sassuolo» hujumchisi Janluka Skamakka bo‘lib qolmoqda.

30 yoshli Sapata italiyalik futbolchi bilan muzokaralar muvaffaqiyatsiz yakunlangan taqdirdagina muqobil variant sifatida ko‘riladi.

Duvan Sapata joriy mavsum 23 ta o‘yinda 12 ta gol va 7 ta golli uzatmaga mualliflik qilgan.